وظائفنا اليوم وظائفنا اليوم

آخر الأخبار

جاري التحميل ...

لو أنت صاحب شغل لازم تعيين الراجل دا ! عشان شغلك ينجح !


لو أنت صاحب شغل لازم تعيين الراجل دا ! عشان شغلك ينجح !

لو أنت صاحب شغل لازم تعيين الراجل دا ! عشان شغلك ينجح !

أنت business owner ومش عارف تاخد تقارير وافية من ادارات الشركة عندك تعكس ليك انت بتحقق أهداف شركتك المرحلية ازاى.. فانت لازم تجيب استشاري consultant لشركتك عشان يعمل الحاجات دي:



١].. مساعدتك في تحديد اهداف objectives الشركة الانتاجية، والربحية، وما يتعلق بمؤشرات الجودة وخلافه.

٢].. يعملك خطة استراتيجية strategic plan عشان تشوف هاتحقق من خلالها اهدافك اللي في النقطة السابقة ازاي.

يساعد مديروا الادارات في 


٣].. يعملك خطة تشغيل business plan متعلقة توضح ايراداتك ومصروفاتك وهامش ارباحك ربع سنوياً.

٤].. يحدد معاك الرسالة/المهمة message/mission اللي لازم شركتك تحققها، عشان تحقق اهدافها objectives.

٥].. يقعد معاك وتحدد معاه ايه القيم values اللي لازم ينتهجها جميع العاملين بالشركة، لتوصيل ال message وتحقيق اهداف الشركة.

٦].. يصمم هياكل تنظيمية Org. Charts للشركة وجميع اداراتها، يعكس اهداف الشركة ورسالتها.

٧].. يساعدك في تصميم مصفوفة الصلاحيات authorities matrix اللي من خلالها بتقول ايه هي صلاحيات كل مدير في شركتك دوناً عن الآخرين.

٨].. يصمملك جميع لوائح regulations الشركة (المالية / الادارية "HR، تسويق، مبيعات، مخازن، مشتريات"/ الفنية) لتوضيح سياسات policies العمل بكل ادارة، وتكون متفقة مع اهداف الشركة والقوانين المحلية ذات الصلة (القانون المالي، العمل، المزايدات والمناقصات.. الخ).
٩].. يصمملك خرائط تدفق العمليات processes mapps بتاعة كل ادارة، طبقاً للوائح regulations والسياسات policies الواردة بها، والوحدات التنظيمية الواردة بال Org. Chart بتاع كل ادارة، ودي من خلالها بنعرف في كل process مين بيعمل او ينفذ الاجراء، مين بيراجعه، مين بيعتمده، مين مسؤول عنه، مين بنعرفه او نخطره، مين بنستشيره فيها.
١٠].. يصمملك أدلة اجراءات procedures manuals لكل ادارة (مالية، ادارية، فنية)، عشان يحكى من خلالها بضوابط معينة، ايه هى مجموعة الإجراءات الواجب تنفيذها لتحقيق كل process تم تصميمها في النقطة السابقة، ومين بيقوم بالإجراءات دي كلها.
١١].. يصمملك مجموعة النماذج forms (المالية، الادارية، الفنية) اللي هاتعكس نتائج تنفيذ اجراءات العمل، وهاتبقى requests بعد كده في ال ERP system بتاع شركتك.
١٢].. يصمملك مصفوفة المسؤوليات responsibilities matrix الداخلية لبيان مسؤوليات التنفيذ والمراجعة والإعداد والمسؤولية عن كل process بتحصل جوه كل وحدة تنظيمية business unit موجودة بالهيكل التنظيمي Org. Chart بتاع كل ادارة.
١٣].. يصمملك مدونة السلوك الاخلاقي code of ethics اللي فيها بيقول ايه هى القيم values والقيم المحورية core values بمؤشراتها السلوكية behaviour indicators الواجب اتباعها من جميع الموظفين، لتحقيق قيم values الشركة.
١٤].. يصمملك اطار عام للكفاءات competency framework عشان يصنف الكفاءات المحورية core والتخصصية/المهنية functional والادارية managerial اللي لازم تبقي موجودة في العاملين بالشركة، مع تخصيص عدد معين من ال competency models لكل موظف وعامل بالشركة عشان نعرف من خلاله، العامل هايؤدى واجباته بمؤشرات سلوكية تخصصية ازاى في كل core, functional and managerial competency.
١٥].. يصمملك بطاقات وصف وظيفي JDs عشان يوضح فيها كم الواجبات والمهام والتخصصات وشروط شغل الوظيفة التعليمية والمهنية والاكاديمية والمهارية والمسؤوليات اللي بتقع على عاتق كل موظف ببشغل وظيفة بال Org. Chart بتاع شركتك وإداراتها.
١٦].. يصمملك نظام حفاظ ع العاملين retention system من خلال toral reward system و pay system بيحتوى على تقييم وظايف job evaluation ونظام درجات مالية grading system.. لحد ما يوصل لهيكل اجور pay/salary structure قوى، تقدر من خلاله تحتفظ بالعمالة عندك دون الخروج عن ضوابط رواتب ومدفوعات المنافسين بسوق العمل.
١٧].. يصمملك نظام ادارة اداء PMS عشان من خلاله يقلك ايه هى ضوابط وسياسات وعمليات واجراءات وخطط ادارة اداء جميع العاملين بالشركة كمياً quantative ونوعياً qualitative.
١٨].. يصمملك نظام تدريب وتطوير training and development system قوي، من خلاله تقدر تسد الفجوة gap بين اداء العاملين الحقيقي (الناتج عن تقييم أدائهم) والمفروض انهم يحققوه، وكمان عشان من خلاله تطور اداء ال successors عشان يبقوا قادة leaders في يوم من الايام.
١٩].. اه نسيت، عشان كمان يساعد مديروا الإدارات في انهم يعملوا او يوثقوا اهداف اداراتهم department objectives اللي هاتحقق اهداف الشركة.
٢٠].. كمان يساعدهم (مديروا الادارات) في كيفية تصميم خطط اعمالهم action plans لمتابعة سير اعمالهم الدورية، واللي من خلالها هايحققوا أهداف اداراتهم.
٢١].. يساعدك في تحديد وتصميم التقارير والاحصائيات الدورية لكل ادارة، عشان تعرف من خلالها نسب تحقيق اهداف كل ادارة لاهدافها.

٢٢].. يساعدك في وضع جميع الخطط والموازنات (المالية، الإدارية، الفنية) وكيفية تحقيقها ومتابعة تنفيذها.
٢٣].. الاهم من كل اللي فوق ده، انه هيساعدك في تطبيق implementation كل اللي فوق ده مع جميع القادة leaders والمشرفين supervisors في شركتك.. وبالشكل ده هايحصل نقل معرفة knowledge transferring وهايكون عندك مع الوقت ناس فاهمة system و business administration كويس اوى اوى اوى. وماتنساش
انت لازم تعمل كل اللي فوق ده "ورق paper" مش ERP وتطبقه مع العاملين لمدة ماتقلش عن ٣ او ٦ شهور، لسبب:
ان التطبيق implementation بينتج عنه تعديل او تصحيح لبعض مكونات النظام نتيجة تعديل تشريعات legislations او قوانين laws، او أهداف جديدة للشركة، او ظهور معايير او آليات عمل جديدة.. فاده بيكون تعديله اسهل بكتير عن ال ERP او ال papers system..
لان زى مانت عارف التعديل على ال ERP بيكون مكلف وبياخد وقت. ال consultant لازم يساعدك في اعداد نظام تكاليف cost system ونظام محاسبي accounting system قوي، وكمان يعملك نظام موازنات budgeting تقدر من خلاله تحدد هامش مصروفاتك الي ايراداتك. لازم تخلى ال consultant يعملك KPIs لشركتك، ويفعل ال BSC او balanced scorecards عشان تعرف مبيعاتك وفلوسك وعملائك.. الخ، رايحين على فين طبقاً للمستهدف، وماتنساش يطبقلك قواعد الحوكمة governance rules في شركتك، لضمان حقوق المساهمين (اللي already هو ساعدك في انشاء لائحة مجلس إدارة ليهم في بداية المشروع).
إدارة الموارد البشرية "HR " هاخد معاكم لفة بسيطة عنها كلها زي الوظائف و اهميتها و المسميات الوظيفية
بس الاول لازم اعرف الفرق بين الـ”HRM” و ال"HRD "
بعني الفرق بين إدارة الموارد البشرية Human Resource Development و تنمية الموارد البشرية Human Resource Development
لان كتير مننا بيخلط ما بينهم بسبب ان هم الاتنين ليهم علاقة بالعنصر البشري
طيب هبدأ اعرف بشكل سريع الراجل بتاع الـHRD ده بيعمل ايه ؟
هو اللي بيساعد الناس او الموظفين انهم يطوروا مهاراتهم الشخصية و التركيز على الذات و بناء الشخصية و تحفيزهم و بيساعدهم في إدارة الوقت و بيكون مصدر حماس ليهم و بيركز اوي على السلوكيات الخاصة بالبشر لان تنمية الموارد البشرية مرتبطة بعلم النفس و العلوم الانسانية.
---

المقال نقلاً عن خبير الموارد البشرية: أ/ ناصر طه

عن الكاتب

Mohamed Younes Zidan أهتم بنشر أخبار التوظيف واعلانات الوظائف الخالية وفرص العمل والمنح الدراسية والكورسات والنصائح والإرشادات لمواجهة سوق العمل في مصر والخليج. أرحب بالتواصل في أي وقت مع جمهور الموقع.

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

وظائفنا اليوم